PortaliForumPytësoriRegjistrohuidentifikimi

Share | 
 

 Gruaja gjarper

Shiko temën e mëparshme Shiko temën pasuese Shko poshtë 
AutoriMesazh
Gon!
Admin
Admin


Numri i postimeve : 666
Pikët : 2267
Reputation : 85
Join date : 16/02/2012
Mosha : 29

MesazhTitulli: Gruaja gjarper   Tue Feb 28, 2012 3:19 am



Gruaja gjarper





mit japonez


250 vjet më parë ekzistonte një mjek i dhembshur, i sjellshëm dhe zemërmirë që jetonte në fshatin Kata (Kata do të thotë veri) diku në brinjët e një mali. Një ditë, takoi rastësisht disa fëmijë që lëndonin një gjarpër të madh e të bardhë. Pasi i ndoqi duke i këshilluar që të mos ta përsërisnin më, u kujdes për plagët e gjarpërit derisa ia shëroi plotësisht.

Pas disa ditësh një udhëtare ndaloi te shtëpia e mjekut. Qysh në fillim dukej simpatizimi që ndjenin për njëri-tjetrin. Mjeku dhe gruaja nuk vonuan së dashuruari, madje shumë shpejt u martuan.

Pas disa kohësh çifti bëri një fëmijë të mrekullueshëm. Tashmë në shtëpinë e mjekut mbretëronte lumturia absolute.

Një ditë, kur mjeku u kthye nga puna më herët në shtëpi, ndjeu se një surprizë e pakëndshme e priste. Hapi derën, po ç’të shihte?! Gjarpërin e bardhë e të madh tek përqafonte gjithë dashuri e ngrohtësi fëmijën e vogël. Gjarpëri u trondit dhe u shndërrua menjëherë në bashkëshorten e mjekut. Me lotë në sy i tha:

- “Tani që më pe se cila jam, më duhet të iki. Nuk mund të qëndrojmë më bashkë”.

Por, para se të ikte i dha fëmijës një sferë magjike duke i thënë.

- “Sa herë që të ndihesh i vetmuar ose i mërzitur, luaj me këtë sferën, dhe lotët do të ndalojnë në çast”.

Fëmija luante çdo ditë me sferën, dhe kështu nuk qante për nënën e tij të bukur.

Një ditë, një punonjës i zyrës së tatimeve kaloi nga shtëpia e mjekut, pa sferën dhe e mori. Atëherë, fëmija filloi të qante ditë-natë. Mjeku i shqetësuar për shëndetin e fëmijës shkoi të takonte gjarpërin. Pasi e gjeti i tha se dikush kishte vjedhur sferën magjike. Gjarpëri u mërzit shumë, megjithatë, në të ikur i dha një sferë tjetër. Kështu, për pak kohë akoma fëmija luante i gëzuar me sferën e re.

Gjatë ditëve që pasuan, një tjetër punonjës shtetëror shkoi te shtëpia e mjekut gjasme për kontroll dhe vuri në sy sferën e dytë magjike. Kur gruaja – gjarpër mësoi se dhe sfera e dytë ishte vjedhur, u mërzit jashtë mase. Prandaj u drejtua nga bashkëshorti i saj duke i thënë:

- “Që të dish të vërtetën, këto dy sfera ishin sytë e mi. Tani që t’i dhashë, s’më ka mbetur asgjë tjetër për të të dhënë”.

Zemërimi e kishte tronditur të tërën, aq sa dhe mali filloi të çahej gjithandej. Një tërmet i fortë tronditi malin dhe shkaktoi shpërthimin e gjithanshëm të vullkanit. Hiri dhe gurët e mëdhenj u shpërndanë në katër anët duke e mbuluar fshatin tërësisht.

Një cunam gjigand erdhi nga deti i tërbuar dhe përmbyti të gjithë ata që shpëtuan nga hiri dhe shkëmbinjtë e thërrmuar. Çuditërisht, shtëpia e mjekut mbeti e paprekur dhe e sigurtë. Ai së bashku me fëmijën jetuan për të mjekuar të mbijetuarit dhe rindërtuar fshatin e shkatërruar.

Ky mit përpiqet të shpjegojë tërmetin e vitit 1792, i cili shkaktoi shpërthimin e vullkanit Shimabara. Tërmeti, vullkani dhe cunami vranë plot 15000 njerëz. Në vitin 1990, një shpërthim i ri shkatërroi 300 shtëpi dhe vrau 40 persona, ndërsa hiri mbuloi fshatin për 5 vjet.
Mbrapsht në krye Shko poshtë
http://explorerkosova.the-up.com
 
Gruaja gjarper
Shiko temën e mëparshme Shiko temën pasuese Mbrapsht në krye 
Faqja 1 e 1
 Similar topics
-
» Gruaja që bën çudira
» Gruaja e Jusuf Gërvallës: Do të doja të plakeshim bashkë
» Nga Flori Bruqi:Kush është Behgjet Pacolli ?‏
» Dasma : çifti, gruaja muslimane, burri hebru(Jews), kryeson dasmen nje i krishtere, presidenti Bill Klinton
» Gruaja që bën çudira

Drejtat e ktij Forumit:Ju nuk mund ti përgjigjeni temave të këtij forumi
 :: MISTERE :: M I T O L O G J I-
Kërce tek: